AZƏRBAYCAN RESPUBLİKASI
GƏNCƏ ŞƏHƏRİ
KƏPƏZ RAYON
İCRA HAKİMİYYƏTİ

6 mədəni maarif müəssisəsi, 2 musiqi məktəbi, mərkəzi kitabxananın 12  filialı fəaliyət göstərir.

Memarlıq abidələri

«İmamzadə»  - Müasir Gəncənin 7 km Şimalında yerləşən Qədim Gəncənin möhtəşəm memarlıq abidələrindən biri də «İmamzadə» türbəsidir. Bunu yerli əhali «Pir», «Göy İmam», «Göy künbəz» deyə adlandırır. 6-7 metr hündürlüyündə olan bu türbə 4 bucaqlı şəkildədir. Türbə xaricdən rəngli naxışlarla bəzənmişdir. Onun diqqəti cəlb edən künbəz hissəsi vardır. Gövdənin hündürlüyü 2,5 metr, xarici və daxili diametri 4 metrə yaxındır. Türbənin xarici hissəsinin mərkəzi yerində ərəb dilində yazılmış kitabə vardır. Kitabədə yazılmışdır: «Odur əbədi: bu şərəfli cənnət baxçası 120 il babasının – ona salam olsun – hicrətindən sonra vəfat etmiş İmam Məhəmməd Bağır oğlu – ona salam olsun- Mövlana İbrahimin türbəsidir». Bu kitabədən məlum olur ki, İmamzadə türbəsi VIII Əsrdə inşa edilmişdir.
«İmamzadə» türbəsi Azərbaycan xalqının müqəddəs yeridir, minlərlə insanın ziyarət yeridir.

«Cömərdi –qəssab» - Bütpərəstliyə qarşı mübariz, İslam dinini Azərbaycanda ilk qəbul edənlərdən biri, mərd, xeyrxah, əliaçıqlığı ilə şəhər sakinlərinin böyük hörmətini qazanan bu insan 664-cü ildə şəhərin müdafiəsi zamanı qəhrəmancasına həlak olmuş, bu insanın məzarı üzərində qədirbilən şəhər əhalisi tərəfindən türbə ucaldılmışdır.
Dairəvi formada tikilmiş bu abidə bişmiş kərpiclə hörülmüşdür. Divarın qalınlığı 80 sm olmuşdur.
Əfsuslar olsun ki, sovetlər dövründə abidə heç bir lüzüm olmadığı halda tamamilə sökülmüş və abidənin yerindən istilik xətti çəkilmişdir. Son illər şəhərdə aparılan quruculuq işləri çərçivəsində şəhərin başqa tarixi abidələri ilə bərabər «Cömərdi-qəssab» məbədi öz tarixi təməli üzərində tamamilə yenidən bərpa edilib və sakinlərin ziyarət yerinə çevrilmişdir.

«Alban-məbədi» - 17-ci Əsrin tarixi abidəsidir, 7 sütundan ibarətdir, dam örtüyü daşdandır və üstündə 8 güşəli baxış qülləsi yerləşir.

Nizami məqbərəsi – Dünya ədəbiyyatının korifeylərindən biri olan, Azərbaycan xalqının dahi şairi və mütəfəkkiri  Nizami Gəncəvinin məqbərəsi indiki Gəncə şəhərinin 7 km Şərqində, «Şıx düzü» deyilən yerdə inşa edilmişdir.
Şeyx Nizaminin məzarı əsrlər boyu təkcə yerli əhalinin deyil, həm də Gəncəyə yolu düşən insanların müqəddəs bildiyi yer olmuşdur.
Lakin bunlara baxmayaraq son dövrlərə qədər Ulu Nizaminin qəbrinin üstündə tarixi keçmişdən xəbər verən, memarlıq quruluşunda tikilmiş, xarici görkəmli, səliqəli olan abidə olmamışdır. Yalnız 1940-ci ildə türbədə aparılmış qazıntı zamanı üstündə «Bu nurlu qəbr Şeyxlər Şeyxi Abu-Muhəmməd, İbn –İlyas, İbn Yusif, İbn Zəki Nizaməddin, Müyyədinindir» sözləri yazılmış qəbr üstü daş tapıldıqdan sonra məqbərənin əsaslı inşasına başlamışdır. 1941-1945-ci illər Böyük Vətən Müharibəsi bu xeyirxah işi bir qədər ləngitmişdir.
Müharibədən sonra məqbərənin tikintisi tamamlanmış və 1947-ci ildə Nizaminin anadan olmasının 800-illiyi münasibəti ilə hündürlüyü 15,2 metr olan abidənin açılışı olmuşdur.
1980-ci ildə Respublika rəhbəri Heydər Əliyev cənablarının şəxsi təşəbbüsü və təkidi ilə abidənin müasir arxitekturanın tələblərinə uyğun, daha böyük zövqlə yenidən əsaslı bərpa edilməsi qərara alınmış və bu nəhəng iş 1991-ci ildə böyük mütəfəkkirin anadan olmasının 850 illiyi təntənələrində qurtarmışdır.
Məqbərə kompleksi Azərbaycanın XII Əsr memarlıq üslubunda tikilmiş və milli-bədii cizgilərini özündə cəmləşdirmişdir.
Layihənin müəllifi əməkdar arxitektor, Şərq ölkələri Bynəlxalq Memarlıq Akademiyasının müxbir üzvü Fərman İmamquliyev, heykəltəraş əməkdar rəssam Qorxmaz Sücəddinovdur.

6 mədəni maarif müəssisəsi, 2 musiqi məktəbi, mərkəzi kitabxananın 12  filialı fəaliyət göstərir.

Memarlıq abidələri

«İmamzadə»  - Müasir Gəncənin 7 km Şimalında yerləşən Qədim Gəncənin möhtəşəm memarlıq abidələrindən biri də «İmamzadə» türbəsidir. Bunu yerli əhali «Pir», «Göy İmam», «Göy künbəz» deyə adlandırır. 6-7 metr hündürlüyündə olan bu türbə 4 bucaqlı şəkildədir. Türbə xaricdən rəngli naxışlarla bəzənmişdir. Onun diqqəti cəlb edən künbəz hissəsi vardır. Gövdənin hündürlüyü 2,5 metr, xarici və daxili diametri 4 metrə yaxındır. Türbənin xarici hissəsinin mərkəzi yerində ərəb dilində yazılmış kitabə vardır. Kitabədə yazılmışdır: «Odur əbədi: bu şərəfli cənnət baxçası 120 il babasının – ona salam olsun – hicrətindən sonra vəfat etmiş İmam Məhəmməd Bağır oğlu – ona salam olsun- Mövlana İbrahimin türbəsidir». Bu kitabədən məlum olur ki, İmamzadə türbəsi VIII Əsrdə inşa edilmişdir.
«İmamzadə» türbəsi Azərbaycan xalqının müqəddəs yeridir, minlərlə insanın ziyarət yeridir.

«Cömərdi –qəssab» - Bütpərəstliyə qarşı mübariz, İslam dinini Azərbaycanda ilk qəbul edənlərdən biri, mərd, xeyrxah, əliaçıqlığı ilə şəhər sakinlərinin böyük hörmətini qazanan bu insan 664-cü ildə şəhərin müdafiəsi zamanı qəhrəmancasına həlak olmuş, bu insanın məzarı üzərində qədirbilən şəhər əhalisi tərəfindən türbə ucaldılmışdır.
Dairəvi formada tikilmiş bu abidə bişmiş kərpiclə hörülmüşdür. Divarın qalınlığı 80 sm olmuşdur.
Əfsuslar olsun ki, sovetlər dövründə abidə heç bir lüzüm olmadığı halda tamamilə sökülmüş və abidənin yerindən istilik xətti çəkilmişdir. Son illər şəhərdə aparılan quruculuq işləri çərçivəsində şəhərin başqa tarixi abidələri ilə bərabər «Cömərdi-qəssab» məbədi öz tarixi təməli üzərində tamamilə yenidən bərpa edilib və sakinlərin ziyarət yerinə çevrilmişdir.

«Alban-məbədi» - 17-ci Əsrin tarixi abidəsidir, 7 sütundan ibarətdir, dam örtüyü daşdandır və üstündə 8 güşəli baxış qülləsi yerləşir.

Nizami məqbərəsi – Dünya ədəbiyyatının korifeylərindən biri olan, Azərbaycan xalqının dahi şairi və mütəfəkkiri  Nizami Gəncəvinin məqbərəsi indiki Gəncə şəhərinin 7 km Şərqində, «Şıx düzü» deyilən yerdə inşa edilmişdir.
Şeyx Nizaminin məzarı əsrlər boyu təkcə yerli əhalinin deyil, həm də Gəncəyə yolu düşən insanların müqəddəs bildiyi yer olmuşdur.
Lakin bunlara baxmayaraq son dövrlərə qədər Ulu Nizaminin qəbrinin üstündə tarixi keçmişdən xəbər verən, memarlıq quruluşunda tikilmiş, xarici görkəmli, səliqəli olan abidə olmamışdır. Yalnız 1940-ci ildə türbədə aparılmış qazıntı zamanı üstündə «Bu nurlu qəbr Şeyxlər Şeyxi Abu-Muhəmməd, İbn –İlyas, İbn Yusif, İbn Zəki Nizaməddin, Müyyədinindir» sözləri yazılmış qəbr üstü daş tapıldıqdan sonra məqbərənin əsaslı inşasına başlamışdır. 1941-1945-ci illər Böyük Vətən Müharibəsi bu xeyirxah işi bir qədər ləngitmişdir.
Müharibədən sonra məqbərənin tikintisi tamamlanmış və 1947-ci ildə Nizaminin anadan olmasının 800-illiyi münasibəti ilə hündürlüyü 15,2 metr olan abidənin açılışı olmuşdur.
1980-ci ildə Respublika rəhbəri Heydər Əliyev cənablarının şəxsi təşəbbüsü və təkidi ilə abidənin müasir arxitekturanın tələblərinə uyğun, daha böyük zövqlə yenidən əsaslı bərpa edilməsi qərara alınmış və bu nəhəng iş 1991-ci ildə böyük mütəfəkkirin anadan olmasının 850 illiyi təntənələrində qurtarmışdır.
Məqbərə kompleksi Azərbaycanın XII Əsr memarlıq üslubunda tikilmiş və milli-bədii cizgilərini özündə cəmləşdirmişdir.
Layihənin müəllifi əməkdar arxitektor, Şərq ölkələri Bynəlxalq Memarlıq Akademiyasının müxbir üzvü Fərman İmamquliyev, heykəltəraş əməkdar rəssam Qorxmaz Sücəddinovdur.